شكرا" ايها الاعضاء

لا .. لا .. يا أرباب .. شنو السخانة دي .. وطوالي جايي داخل ضفاري ..
ياخي أصبر شوية ..
بالمناسبة الاستقدام طلع والا لسا؟
شكلك كدا جايي وشايف الناس ديل كلها غباش غباش ..
تعرف يا محجوب عندنا واحد صاحبنا مشى اتزوج وجا، وفي الزمن داك نحنا كنا شلة كبيرة عزابة ونقيم في منزل واحد في جدة .. قام جانا واحد من أصحابنا قام قال للعريس يا عبدو كيف عامل مع العزابة ديل .. قام رد عليهو والله شايفهم زي الواطة دي ..
دحين يا جوب اصبر شوية وشيل نفسك ياخي .. والحق يقال انك أول من أثرى هذا المنتدى بالمشاركات منذ انطلاقته الأولى ، لكن كما تلاحظ المنتدى في حالة خمول غريبة.. فلك العتبى حتى ترضى يا عريس ، والحاجة ياخي إن شاء الله ربنا يديم عليها الصحة والعافية ويحفظها ليكم.. وربما يكون هناك تقصير، لكن صدقني أن متأكد ما في هناك قصد أو سوء نية على الإطلاق .. ياخي نحنا كلنا كمنا لما نتشتت ...

انت يا محجوب كنت بي هناك وأكيد شفت الناس عاملة كيف .. ياخي جري وطيران والناس كلها مدورة وفي حالة توهان لا يعلم بها إلا الله ، والله يكون في عونهم إن شاء الله..

معذرة يا أرباب ويبقى ليك الحق علينا نحنا لو قصرنا فيك ..

مع كل الود