قمر الزمان

استعرض الموضوع السابق استعرض الموضوع التالي اذهب الى الأسفل

قمر الزمان

مُساهمة  بركات في الأربعاء مارس 02, 2011 6:57 am

[center]

قــمر الزمـان
صلاح حاج سعيد
وكتبت ليك لا بيني
بينك ريده لا قصة غرام
اخترت ليك اجمل حروف
واصدق فواصل نادره في
لغة الكلام
لا قصدي الهو معاك بي
كلمات غنى
لا حروفي ليك مرجيحه من
شعر الغمام
وكتبت ليك والله يا قمر
الزمان
شان جيتي بي زمن المحنه
وشفت في عينيك حس
اهلي القدام
وكتبت ليك وانا جاي من
زمن الشقا
مرسوم على وش الثواني
مظللا
تتمدد الساعات سنين
تتفتح الاحزان غريبه
ومذهله
واشتاق افتش نسمه في
الزمن العذاب
وايامي من كتر الاسى
وكتر العزوف والاغتراب
صارت حروف مترهله
كلمات اسيفه ومهمله
وكتبت ليك وكتبت ليك
ووقفت ليك لامن لقيتك
جاي في قلب الطريق
ولمحت فيك راحة
المشاوير البعيده
ولفحة النسمه الحنينه
الجاية من جوف المضيق
حسيت عجايب الدنيا
اتلمت
بقت جاياني من عصر
سحيق
عينيك حس اطفال بنادو
القمره للغايب يعود
وجبينك الضواي حجا
حبوبه في الزمن السعيد
يا قمره اقلبي
السنسني الحمره شوفي
ابوي جا وله ما جا
وانا في قساوه الزمن
الموحش المكهرب
بالحريق
انا حيلتي ايه انا حيلتي
ايه قول لي يا قمر الزمان
غير اتكي واحلم معاك
واحضن اماسي الصحو
والامل البريق
قولي لي يا قمر الزمان انا
حيلتي ايه قولي لي يا
قمر الزمان



بركات

المساهمات : 59
تاريخ التسجيل : 12/12/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قمر الزمان

مُساهمة  كان زمان في الإثنين مارس 07, 2011 1:08 pm

عينيك حس اطفال بنادو
القمره للغايب يعود
وجبينك الضواي حجا
حبوبه في الزمن السعيد
يا قمره اقلبي
السنسني الحمره شوفي
ابوي جا وله ما جا

دا كلام عجيب يا مبارك ولوحة جمالية لا يحس جمالها أو يفهم اللغة التي رسمت بها إلا من ذاق النوم في حضن الأم أو الحبوبة في الليالي المقمرة غطاؤه السماء ولحافه ذلك التراب الأسمر ..

وقول للقمر ارجع زي زمان.
مع كل الود.



________________
JED. 7 March 2011

كان زمان

المساهمات : 111
تاريخ التسجيل : 11/10/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قمر الزمان

مُساهمة  بركات في الثلاثاء مارس 08, 2011 1:04 am

الجميل هو حضورك البهي وتسطيرك كلمات رائعة في حق الخاطرة البسيطة...

سعدت جداً بمرورك الرائع ولك جزيل وشكراً والتقدير .. الغالى أبو بسمة ،،،


بركات

المساهمات : 59
تاريخ التسجيل : 12/12/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى