ديم ام طريفى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

لو اعيش زول ليهو قيمة

2 مشترك

اذهب الى الأسفل

لو اعيش زول ليهو قيمة Empty لو اعيش زول ليهو قيمة

مُساهمة  بركات الخميس مارس 10, 2011 3:30 am


كلمات / قاسم الحاج

لو اعيش زول ليهو قيمة اسعد الناس بوجودي

زي نضارة غصن طيب كل يوم يخضر عودي

ابقي دار لكل لاجئ او حنان جوه الملاجئ

ابقي للاطفال حكاية حلوة من ضمن الاحاجي

بيها يتهنو و ينمو واحرسم طول ليلي ساجي

والقي في راحة نفوسهم بسمتي وطول ابتهاجي

- - - - -

لو اعيش طول عمري نسمة .. أو مع الايام سحابه

اهطل ادي الدنيا بسمة .. أروي وادي واسقي غابة

لو اعلم طفل واعــد .. لسه ماعـِـرف الكـتــابة

أبقى شجرة ظلالها ورافة .. تحتي نايمين ناس تعابة

- - - - -

أشقي والقي وابقي بهجة .. في النفوس لكل مناضل

ابقي للمعتل علاجو .. وابقي للفــلاح ســنابــل

ابقي للثـُـوّار سلاحم .. اعتي من قذف القنابل

وابقي للكادح المـُـلوَّح كلُ حل موفــور وعـــادل

بركات

المساهمات : 59
تاريخ التسجيل : 12/12/2010

الرجوع الى أعلى الصفحة اذهب الى الأسفل

لو اعيش زول ليهو قيمة Empty رد: لو اعيش زول ليهو قيمة

مُساهمة  كان زمان الجمعة مارس 11, 2011 6:05 am


يا سلام يا بركوتّه ..
هذه القصيدة التي شدا بها الراحل عبدالعزيز العميري في زمان مضى تحمل بين كلماتها قيماً جميلة ورسائل نبيلة وتضع لنا علامات مضيئة على الطريق في كيفية العيش في هذه الحياة القصيرة .. ولمصطفى صادق الرافعي مقولة مشهورة وهي: " اذا لم تزد على الحياة شيئاً تكن أنت زائداً عليها" ..

كلنا محتاجون للتفكير في كيف نكون إضافة على هذه الحياة وليس خصما عليها. يا ريت يا مبارك وانتو قاعدين قدام الدكان تطرح على الشباب الفكرة دي "دعونا نفكر كيف نكون إضافة لأسرنا ولقريتنا ولمنطقتنا ولبلدنا الكبير السودان" ..

وقد سعدت كثيرا بالمرور بالدرب التحت .. حيث الميجر والبحر والمركب والأرض الخضراء ورائحة الجروف ..

مع كل الود.
Jed. 11, March 2011



كان زمان

المساهمات : 111
تاريخ التسجيل : 11/10/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى