ديم ام طريفى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انا ليهم بقول كلام

اذهب الى الأسفل

انا ليهم بقول كلام Empty انا ليهم بقول كلام

مُساهمة  ودالحسين الإثنين أكتوبر 04, 2010 2:53 am

أنا ليهم بجر كلام


أنا ليهم بجر كلام دخلوها وصقيرها حام
************
سم أب درق البصقع جدري القيعه البفقع
والله صوتك مانع بردع الطيب في شطارتو مبدع
**********
سم أب درق الجدادى تكل الجدري البعادى
للخصيم ضربو بياذى موسى المر الحجازي
**********
قرقر ملى للوسادة برنو وشال لي مكاده
ديل جنيات الندادة سيدي الدار في السياده
**********
قرقر فوق للدرب وربط الهوى والشرق
كدي مابزولنا الضرب ديل جنياتنا ما بتنغلب
*********
والله عامر سوقك مبدر مجرجر توبك مسبل
الطيب للشر مبدر مو التكل المجدر
*********
أنا نميت جبتا قلبو فشلو القالوا قصو دربو
ديل رازوهو وشافوا ضربوا دق السنداله قلبو
*********
وعبدالدائم شقا سيرو من ولدوهو الشكره هيلو
الخصيم ما بكيلوا صوتوا بهجل قبيلو
**********
عبدالدائم معاه اخوانو طافو البلاء في مكانو
خصماه قنعوا قامو الصف الواقف قدامو هو مستعد للطامو
**************
أنا نميت جبت غناكم يا الزينين هوى براكم
البدوركم تراكم حلق الطير لي غداكم
الصف العامر رجاكم
اتباشروا لي بلاكم واركزو زينب وراكم
**********
جروا لي مره صوتكم ويروني الليله صوتكم
اتباشرو الله فوقكم


(ومشيناها خطي كتبت علينا ومن كتبت عليه خطي مشاها)
ودالحسين
ودالحسين

المساهمات : 36
تاريخ التسجيل : 09/08/2010
العمر : 42
الموقع : المملكة العربية السعودية

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى